Plantun de Prouvènço

Pèr coumpara dos planto d'encò nostre

Vaccinium myrtillus & Helianthemum italicum

Amaurilhoun

Vaccinium myrtillus

Ericaceae

Àutri noum : Agies, Maurilho, Aniroun, Eìse, Brimbalié.

Noms en français : Myrtille, Airelle.

Descripcioun :
L'amaurié (aiges en Alouos 04) es uno pichoto planto bouissounouso que trachis sus li relarg safranous de mountagno. Fai de pichòti flour roujo en campano que se duerbon en meme tèms que li fueio. Se destrìo de l'aire-negre qu'a de fueio dentado e pas roundo.

Usanço :
Cadun counèis lou bon goust dis amaurilhoun que podon èstre manjado de d'ùni biais (coume en tarto, ço que se fai proun dins d'ùni relarg dis Aup). Es un fru qu'a proun de qualita : èi riche en vitamino (A pèr la visioun au calabrun), en fibro, en antióussidant... Ei vertuous contro li proublèmo de memòri, la fouiro e proun enca. La tisano de fueio èi diuretico. Pèr pas aganta l'ekinococoso, vau mies faire couire li brimbello.

Port : Aubret
Taio : 15 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Vaccinium
Famiho : Ericaceae

Ordre : Ericales

Coulour de la flour : Roujo
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2600 m
Aparado : Noun

Liò : Champino - Fourèst - Tourbièro
Estànci : Coulinen à Aupen
Couroulougi : Bourealo
Ref. sc. : Vaccinium myrtillus L., 1753

Massugueto(-d'Itàli)

Helianthemum italicum

Cistaceae

Nom en français : Hélianthème d'Italie.

Descripcioun :
Aquesto massugueto èi coumuno dins la garrigo e li relarg roucassous. Li fueio an ges d'estipulo coume Helianthemum canum. Pèr li destria, fau regarda que i'ague ges de péu estela, majamen sus lou dessouto di fueio. Coumpara emé la massugueto-di-chin e peréu lis àutri massugueto di flour jauno.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenòu).

Port : Pichoto planto lignouso
Taio : 5 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 8 à 16 cm
Flourido : Printèms - Estiéu

Sòu : Ca
Autour basso e auto : 0 à 2400 m
Aparado : Noun

Liò : Garrigo - Roucaio - Tepiero seco
Estànci : Termoumediterran à Aupen
Couroulougi : Éurimediterranenco
Ref. sc. : Helianthemum italicum (L.) Pers., 1806 (= Helianthemum oelandicum subsp. italicum (L.) Ces., 1844 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Vaccinium myrtillus & Helianthemum italicum

ges

Coumpara Amaurilhoun emé uno autro planto

Coumpara Massugueto(-d'Itàli) emé uno autro planto